Bahasa dan Sastra Jawa [2]

TUGAS INDIVIDU

TEMBANG MACAPAT

Pengampu : Imam Sutardjo

 Oleh:

Fitri Yulianti    (A310130155)

Kelas 4 G

PENDIDIKAN BAHASA, SASTRA INDONESIA DAN DAERAH

FAKULTAS KEGURUAN DAN ILMU PENDIDIKAN

UNIVERSITAS MUHAMMADIYAH SURAKARTA

2014

ATUR PAMBUKA

Puji syukur kita panjataken dhumateng ngarsanipun gusti Allah YME ingkang sampun nglimpahaken kasih lan tresnanipun, sahingga kita saget ngrampungaken tugas damel makalah niki yaiku salah sawijining syarat damel nglengkapi tugas bahasa jawa ing semester 2 meniki.

Mboten kesupen rasa maturnuwun datheng:

1.      Bapak Imam Sutardjo, dosen Bahasa lan Sastra Jawa, Universitas Muhammadiyah Surakarta ingkang sampun menehi pengarahan kalian bimbingan datheng kita sedaya anggen kita nyusun karya tulis niki.

2.      Rencang-rencang sedaya ingkang sampun nyampekne karya tulis niki.

Kita nyuwun agunging pangapunten anggene damel karya tulis niki kurang sampurna lan kathah klentunipun ingkang boten kita mangertosi.

Kirane sedaya kesaean ingkang sampun maringi datheng kita angsal balesan saking gusti Allah YME. Mugi-mugi makalah niki wonten paedahe kagem sedaya ingkang maos.

Surakarta, 8 Juni 2014

Penulis

ii

BAB I

PURWAKA

A.      Lelandhasaning Masalah

Apresiasi sastra jawa punika kathah sanget jinisipun. Salah satunggal jinise yaiku tembang. Warisan budaya punika saged dipun sinau dening kawula muda. Budaya jawi punika ugi saged mbiyantu para muda ingkang ngangsu kawruh ngembangaken kabudayan. Budaya luhur babagan tembang menika yaiku reriptan kanthi paugeran tartamtu kang pamacane kudu dilagokake. Makalah puniki, badhe dipunsuguhaken babagan jinisipun tembang wonten ing budaya lan sastra jawa.

B.       Undharaning Masalah

Wonten 8 perkawis ingkang dipunaturaken wonten ing makalah menika, yaiku:

1.      Menapa ingkang dipuntegesi tembang?

2.      Kados pundi jinisipun tembang iku?

3.      Menapa ingkang dipuntegesi tembang macapat?

4.      Apa bae babagan kang prelu dimangerteni menawa nembang macapat?

5.      Apa bae macem-macem tembang macapat iku?

6.      Apa bae sambung rapete Laras, Pathet, Titi Laras lan Cakepan kaliyang tembang macapat?

7.      Kados pundi jenis, watak, pasemon lan sasmitane tembang macapat?

8.      Apa bae tuladha tembang macapat iku?

C.      Tujuan

Lumantar makalah menika, badhe dipunaturaken uneg-uneg ingkang wonten gandheng cenengipun kaliyan kados pundi pangertosan tembang menika langkung ngrembaka lan kondhang kawentar wonten masyarakat Indonesia khusussipun masyarakat Jawi piyambak. Babagan menika wigatos sanget dipunpenggalih khususipun dening warga ingkang rumaos “asli” saking Jawi, utawi sinten kemawon ingkang hanggadhahi raos handarbeni dhumateng tetembangan, supados kawontenan tiyang Jawi lan ugi kabudayanipun langkung dipunakeni dening kelompok-kelompok warga ndonya sanesipun.

D.      Paedah

Paedah saka makalah iki, yaiku:

1.      Kanggo masyarakat minangka papan sinau ngenani budaya tembang, lan bisa luwih mangerteni klira-klirune pangerten tembang.

2.      Kanggo panulis minangka papan informasi ngenani budaya Jawa sing bisa didadekake cekelan kanggo panaliti sabanjure sing ana gegayutane karo karya iki.

BAB II

ANDHARAN

A.      Pangertosan Tembang

Tembang inggih menika reriptan kanthi paugeran tartamtu kang pamacane kudu dilagokake. Ana kang duwe panemu manawa tembang asal saka tembung wancahan; tembung lan kembang, banjur dadi tembang. Tembang yaiku tembung kang ditembangi mawa titi larasing gamelan.

B.       Jinisipun Tembang

Manut jinise tembang iku kaperang dadi telu:

1.      Tembang Gedhe (sekar ageng), kayata:

a.       Sekar Ageng Kusumastuti

b.      Sekar Ageng Citramengang

c.       Sekar Ageng Kumudasmara

d.      Sekar Ageng Pamularsih

e.       Sekar Ageng Tepikawuri lan sapanunggale

Gunane kanggo:         1)  Suluk pedhalangan.

                                   2)  Kanggo mbawani gendhing.

2.      Tembang Tengahan (sekar tengahan), kayata:

a.       Sekar Tengahan Pranasmara – Juru demong

b.      Sekar Tengahan Pangajabsih – Girisa

c.       Sekar Tengahan Palugon – Wirangrong

d.      Sekar Tengahan Kuswaraga

Gunane kanggo mbawani gendhing.

3.      Tembang Cilik (sekar alit)

a.       Tembang macapat

b.      Tembang dolanan

C.      Pangertosan Tembang Macapat

Tembang macapat yaiku tembang kang kawengku dening paugeran kang gumathok yaiku guru gatra, guru wilangan lan guru lagu. Gunanipun tembang macapat yaiku:

1.      Kanggo ana ing kasusastran jaman saiki yaiku lumrahe carane nglagokake utawa nembangake ngaggo irama mardika.

2.      Kanggo nggerongi gendhing lire ditembangake utawa dilagokake kanthi binarung swaraning pradangga.

3.      Kanggo mangerti kasusastran jawa jaman saiki.

4.      Kanggo ngarang kapustaka jawi.

5.      Kanggo ngiringi tembang ketoprak, wayang, ludruk lan sakpanunggale.

6.      Kanggo ngiringi parikan lan dagelan.

Tembang macapat menika, nggadhahi titikan. Titikanipun tembang macapat yaiku:

1.      Nganggo pathokan guru lagu, guru wilangan, dhong-dhing, guru gatra, pada lan pupuh.

a.       Pada                      :  yaiku cacahing larikan tembang saben baite.

b.      Pupuh                    :  yaiku bisa kedadean saka pirang-pirang pada,

   miturut dawa lan cendhake tembang.

c.       Guru gatra             :  yaiku jenenge larikan tembang macapat, tembang

   gedhe diarani pada dirga.

d.      Guru wilangan      :  yaiku cacahing (wilangane) wanda (suku kata)

   saben gatra.

e.       Guru lagu              :  yaiku tibaning swara saben pungkasaning gatra.

   (paduan bunyi/ sajak), dhong-dhing, tiba swara

   “u” utawa “i”.

2.      Bebasane basa jawa saiki.

3.      Bisa ditembangake tanpa iringan gendhing gamelan.

D.      Babagan kang Prelu Dimangerteni Menawa Nembang Macapat

Menawa arep nembang macapat prayogane kudu mangerteni, kayata:

1.      Mangerteni wataking tembang.

2.      Mangerteni guru wilangan lan guru lagune.

3.      Mangerteni tegese tembung, satemah ora waton medhot tembung.

4.      Mangerteni laguning tembang.

5.      Mangerteni titi laras, slendro lan pelog.

6.      Bisa ngukur swarane dhewe.

7.      Ora kakehan Luk, paling akeh mung telung titi laras.

8.      Sawanda adate satitilaras paling akeh rong titi laras.

9.      Lesane nalika nembang kudu cetha, lan sapanunggalane.

E.       Macem-macem Tembang Macapat

Tembang macapat menika, wonten 11 warna, yaiku:

1.      Pocung

2.      Maskumambang

3.      Gambuh

4.      Megatruh

5.      Kinanthi

6.      Asmaradana

7.      Mijil

8.      Sinom

9.      Pangkur

10.  Durma

11.  Dhandhanggula

F.       Sambung Rapete Laras, Pathet, Titi Laras lan Cakepan

Tembang macapat menika nggadhahi sambung rapete kaliyan laras, pathet, titi laras lan cakepan, yaiku:

1.      Laras

Laras yaiku rasaning swara thinthingane gamelan ana rong laras yaiku laras slendro lan laras pelog.

2.      Pathet

a.       Laras slendro pathet ana tiga, yaiku:

-          Pathet nem, pathet sanga, lan pathet menyura.

b.      Laras pelog pathet ana tiga uga, yaiku:

-          Pathet lima, pathet nem lang pathet barang.

3.      Cakepan

Cakepan yaiku tetembangan utawa unen-unen kang kanggo ana ing tembang.

G.      Jenis, Watak, Pasemon lan Sasmitane Tembang Macapat

No.	Jinising Tembang	Watake Tembang	Pasemone	Sasmitane Tembang
1.	Maskumambang	Susah, nelangsa keranta-ranta	Cocoge kanggo carita kang susah	Kambang, kumambang kentir, timbul
2.	Pocung	Sembrang pari kena isi pitutur	Cocoge kanggo medharake piwulang becik	Kluwak, uncung, cung
3.	Gambuh	Nambuh, miterang	Kanggo medharake pitutur	Gambuh, embuh, jumbuh, kambuh, tambuh
4.	Megatruh	Sedhih, nglangut, nelangsa, gegetun	Kanggo carita kang sedhih	Pegat, duduk, ndadak, pedhot, megat
5.	Mijil	Gandrung, prihatin medhar pitutur	Kanggo carita isi pitutur, lagi gandrung	Wijil, wiyos, wedhos, walaya, wedal, sulastri, rarastri
6.	Kinanthi	Seneng, gandrung, medhar piwulang	Kanggo mituturi kanthi rasa tresna	Kanthi, gandheng, kanthet, ganthet, kekanthen
7.	Asmaradana	Sengsem, kasmaran, sedhih	Kanggo carita kasmaran/ gandrung	Asmara, kasmaran, brangta, brangti, kingkin
8.	Durma	Sereng, galak, nesu	Kanggo kang lagi nesu, seneng	Mundur, dur, undur
9.	Pangkur	Seneng, gandrung, nesu isi panantang	Kanggo pitutur kang rada sereng	Wuri, yuda kanaka, kur, wuntat
10.	Sinom	Seneng, sengsem, sereng isi pitutur	Kanggo pitutur tantangan perang tandhing	Srinata, ronkamal, nom, anom, logodhang, mudha taruna, weni
11.	Dhandhang- gula	Renyah, gumbira, grapyak, sumanak, isi pitutur	Kanggo piwulang kidungan	Gula, gendhis, dhandhang, kaga, kresna, gula, drawa, gagak, madu, artati, sarkara

H.      Tuladha Tembang Macapat

1.      Pocung

Bapak pocung, dudu watu dudu gunung

Dawa kaya ula,

Cin-ancikmu wesi miring,

Yen lumaku si pocung ngumbar swara

2.      Pangkur

Jinejer neng wedhatama

Mrih tan kemba kembenganing pambudi

Mangka nadyan tuwa pikun

Yen tan mekal rasa

Yekti sepi asepalir sepah samun

Samangsane pasamuan

Gonyak ganyuk ngleling semi

BAB III

PANUTUP

Dudutan

Tembang inggih menika reriptan kanthi paugeran tartamtu kang pamacane kudu dilagokake. Ana kang duwe panemu manawa tembang asal saka tembung wancahan; tembung lan kembang, banjur dadi tembang. Tembang yaiku tembung kang ditembangi mawa titi larasing gamelan.

Manut jinise tembang iku kaperang dadi telu: 1) Tembang Gedhe (sekar ageng), 2) Tembang Tengahan (sekar tengahan), 3) Tembang Cilik (sekar alit). Tembang macapat iku kalebu sekar alit utawa tembang cilik. Tembang macapat yaiku tembang kang kawengku dening paugeran kang gumathok yaiku guru gatra, guru wilangan lan guru lagu. Gunanipun tembang macapat yaiku:

1.      Kanggo ana ing kasusastran jaman saiki yaiku lumrahe carane nglagokake utawa nembangake ngaggo irama mardika.

2.      Kanggo nggerongi gendhing lire ditembangake utawa dilagokake kanthi binarung swaraning pradangga.

3.      Kanggo mangerti kasusastran jawa jaman saiki.

4.      Kanggo ngarang kapustaka jawi; lan sakpanunggale.

Babagan kang prelu dimangerteni menawa nembang macapat kayata: 1) mangerteni wataking tembang, 2) mangerteni guru wilangan lan guru lagune, 3) mangerteni tegese tembung, satemah ora waton medhot tembung, 4) mangerteni laguning tembang, lan sakpanunggale.

Tembang macapat menika wonten 11 warna, yaiku: 1) Pocung, 2) Maskumambang, 3) Gambuh, 4) Megatruh, 5) Kinanthi, 6) Asmaradana, 7) Mijil, 8) Sinom, 9) Pangkur, 10) Durma lan 11) Dhandhanggula.

DAFTAR KAPUSTAKAN

Margana, dkk. 2005. Trampil Basa. Surakarta: Setya Grafika.

Nurdiana, Iin. 2013. “Budaya”. http://iinnurdiana.blogspot.com/2013/03/naskah-drama-7-anak-jaka-gendheng.html. Diakses pada 6 Juni 2014 pukul 16:47 WIB.